Davao de Oro – Patay ang usa ka wala pa mailhing lalaki human kini giingong nakigpinusilay sa mga pulis sa Purok 4, Barangay Anibongan, Maco, Davao de Oro, pasado alas-2 sa hapon niadtong Nobyembre 6, 2026.
Base sa report sa Maco Municipal Police Station, nakadawat ang mga pulis og impormasyon kabahin sa usa ka suspetsadong lalaki nga nagsakay og motorsiklo ug giingong nagdala og armas.
Sa inisyal nga imbestigasyon, giingong giuna og pusil sa suspek ang usa ka pulis sa dihang nakabantay kini sa ilang pag-abot, apan wala matumbok ang pulis. Mibalos dayon og pusil ang pulis ug naigo sa ulo ang lalaki samtang misulay kini og ikyas.
Narekober sa lugar ang usa ka kalibre .45 nga pistola, lima ka bala, mga basyo sa bala, sachet nga gituohang adunay shabu, cellphone ug motorsiklo. Samtang nagpadayon pa ang imbestigasyon aron mailhan ang namatay ug matino ang tibuok panghitabo.
RadyoMaN Wil Duran
Facebook Comments
