HIMAMAYLAN CITY, NEGROS OCCIDENTAL – Ginturn-over ang isa ka granada kag madamo nga mga bala sa Himamaylan PNP kahapon angut sa Oplan Katok sang PNP.
Ginpahayag nga ang amo nga mga armas kag bala ang natipon tanan sang Himamaylan PNP pinaagi naman sa paglibot sa mga kabaranggayan sa amo nga lugar lakip na ang pagbisita sa mga pamalay.
Kalakip sa nakuha sang pulis amo ang duha ka rifle grenade, 71 ka bala ang M16, 14 ka bala sang garand rifle, isa ka magazine sang M16 Assault Rifle.
Kaupod man sa naturn-over amo ang duha ka Magnum 22 revolver, duha ka .38 revolver, 3 ka sulpak kag isa ka paltik nga .45 caliber pistol subong man ang mga bala sang nagkalain lain nga kalibre sang armas./Negros Pulis photo
Facebook Comments
