Gidala na sa PNP Crime Laboratory region 10 kagahapon sa hapon ang armas sa 5 ka mga police personnel on duty niadtong Dominggo sa Camp Alagar.
Mao kini ang gibutyag ni PSMS Jhonel Monterola, ang police investigator sa nahitabong shooting sulod sa Camp Alagar kung diin mao kini ang gikamatay ni Patrolman Andy Requilme.
Matud pa ni Monterola nga gipadala ang armas sa Crime Laboratory alang sa ballistic examination aron dinhi masuta kung nagamit ba ang ilang armas niadtong tungora.
Samtang human na usab nga gi-paraffin test ang maong 5 ka mga police personnel. Gipaabot na lamang ang resulta nga ipagawas sa kadagkoan karon sa Police Regional Office 10.
Gihimo ni Monterola ang maong request sa pagpa-paraffin test ug ballistic examination aron nga mawala ang pagduda sa kadaghanan sa nahitabo sulod sa maong kampo. Dugang pa ni-ini nga ilang gitutukan karon ang tulo ka mga anggulo sa maong krimen. Una ni-ini ang pagpamusil, suicide ug accidental firing.
Hangtud karon padayon pa ang ilang pag gather sa mga igong ebidensya aron masuta ang motibo sa maong krimen.
Kahinumdoman nga nakit-ang patay na si Patrolman Requilme niadtong Dominggo human madungog ang duha ka mga buto sa pistola sulod sa Camp Alagar.
Kasama mo sa PS 3 Agora, RadyoMaN Andy Coco, DXCC Tatak RMN!
