Kalibo, Aklan — Magapangatubang it kasong pagbayolar sa R.A. 10591 ukon “Comprehensive Firearms and Ammunition Regulation Act“ ag Batas Pambansa No. 6 rong sangka army reservist matapos nga madakpan it baril ag siyaw kabii.
Ro suspek nakilaea kay Pvt. Owal Zereso, 44-anyos native it Brgy. Julita, Libacao ag presente nga naga istar sa Purok 5, Brgy. Tinigao, Kalibo , Aklan.
Sa report it Kalibo PNP nga kabii samtang natapatigayon it “Oplan Bakal-Sita” rong mga katapo it Kalibo PNP sa may RR Mationg Videoke Bar sa pagpanguna ni PSI Ronald Paclibar ro deputy it Kalibo MPS.
Una nga napan-uhan nanday SPO2 Rolly Sabado ag SPO1 Dandy Martin sa andang pagsueod sa nasambit nga videoker hay nag –eain rong panghueagon ko suspek nga matsa nahadlukan nga indi maintindihan.
Dayon nga nakita it mga kapulisan rong daeang sling bag ko suspek ag naga guwa eon ro handle ko anang baril sa zipper.
Sa pagpangusisa nabuoe sa suspek rong sangka Colt MFG. CO. Hartford, CT. U.S.A. M1911A1 U.S. Army Caliber 45, nga may magazine loaded it 5 ka mga live ammos ag iba pang mga papeles nga naga specify ko mga gin issue kanang armas ag bala, nabuoe pa gid kana rong sangka rusty bladed weapon nga naga haba it 9 pulgada kamana man nasayuran nga rong mission order nga naga authorized kay Zereso nga magdaea ko anang armas ag mga bala nga permado ni LTC. Rommel Abayon hay hasta eamang it December 31, 2017.
Si Zereso hay detained sa lock up cell it Kalibo PNP samtang rong nabuoe kana nga amas hay iga turn-over sa Aklan Provincial Crime Laboratory para sa ballistics examination.
Si Zereso hay tuman ka hilong tag madakpan ko mga kapulisan.
