Tinambac, Camarines Sur–Parte kan adbokasiya na ASENSO NG BAHAY, ASENSO KAN BUHAY kan masunod na kongresista kan ikaapat na distrito kan Camarines Sur Congressman Arnie Fuentebella na matawan nin magkakanigong atensyon asin programa ang sektor kan jovenes asin kaakian. Segun ki Arnie Fuentebella, ang mga kaakian sarong biyaya kan Mahal na DIyos sa lambang pamilya na dapat lang na padangaton asin pangatamanan an kapakanan. Totongkosan niya an paghatod nin mga programa sa salud para sa mga aki lalo na sa mga omboy na bagong mundag tangani na sinda maprotektaran sa kahelangan. Para sa jovenes, sinabi ni Arnie Fuentebella na mas papahiwason asin papakusogon ang asistensya sa mga estudyante sa paagi kan Fuentebella Educational & Financial Assistance Program (FEFAP) na haloy nang nagtatabang sa mga estudyantes kan Partido. Ngunyan na taon, dakul na mga scholars an magradwar sa Partido State University. Hihingowahon nya man na magkaigwang graduate an kada pobreng pamilya sa distrito.
# Nikko Parpan
