Nalumos sa Mandulog River sa Iligan City ang asawa ni kanhi Iligan City Mayor ug karon Phividec Administrator Franklin Quijano nga si Salma Theresa.
Kini ang resulta sa Autopsy reports sa SOCO, matud sa iyang banang si kanhi Iligan City Mayor Quijano.
Matud ni Quijano nga nakit-an sa Examination sa SOCO nga walay foul play ang pagkamatay sa iyang misis apan nasudlan sa daghang tubig ang iyang baga nga maoy hinungdan sa iyang kamatayon.
Ang dili masulti sa SOCO matud ni Quijano kon nganong nalumos ang iyang asawa sa Suba sa Mandulog, Iligan City human kini nawala niadtong June 27 ug patay nang nakit-an niadtong June 29 ning tuiga daplin sa suba nga anaa na sa state of decomposition.
Tungod kay walay nakaila ug miangkon sa maong patayng lawas, gilubong kini sa maong punerarya.
Human sa kapin usa ka bulan sa ilang pagpangita sa iyang misis, nagdesisyon ang ilang pamilyang ipakalot sa lubnganan ang maong babayeng gilubong sa punerarya.
Nakita sa dental Matching sa SOCO nga ang nakit-ang patay sa Mandulog river nga dugay nang gilubong mao diay ang iyang misis.
Dugang pa niini, nga sa March 7 mogawas ang resulta sa DNA test sa gikan sa Davao apan sa Agusto 8 ilang ilubong sa ikaduhang higayon ang iyang misis nga gihaya karon sa usa ka funeral parlor sa Iligan City.
