Ni Jay-ar M. Arante, RMN-DYKR Kalibo
Pormal eon nga ging paiwag do ASEAN Landmark lighting sa Brgy. Balabag sa isla it Boracay kabii nga ging patigayon it Malay Municipal Tourism Office.
Daya hay pagpakita ko suporta ko banwang Malay para sa ika-50th anniversary ko Association of Southeast Asian Nations (ASEAN) nga kung sa siin hay sambilog sa mga naging host kara ro Boracay ko mga nagtaliwan nga dag-on.
Raya nga lighting hay ging atindiran ko mga empleyado it LGU Malay sa pagpanguna ni Mayor Ciceron Cawaling, Mayor it Makato ag representante ko banwa it Libacao pati man do mga stakeholders sa Boracay, BFI, DOT ag mga naging volunteer ko ASEAN meeting sa Boracay.
Nasayuran nga ro Boracay hay napilian bilang sambilog sa mga 50 ka mga lugar sa Pilipinas nga magbutang it ASEAN landmarks nga maga-serbe bilang lugar para sa regional bloc’s meeting ag ipa pang mga aktibidad.
Samtang raya nga six-foot fiberglass lantern hay gina sugid nga may unang 80 bilog nga 10-watt incandescent bulbs nga may desinyo nga ASEAN logo nga makit-an sa Balabag Plaza.
Do ASEAN landmark sa Boracay hay maga buhay hasta sa buean it Nobyembre makaron nga dag-on.
