Nagapadayon ang trabaho sang African Swine Fever (ASF) Task Force sa Negros Occidental apisar sang ginapatuman nga border restrictions bangud sang COVID-19.
Gin-confirm ni Provincial Veterinarian Renante Decena, nga may mga tawo sila nga nagabantay sa mga pwerto kag sa border checkpoints agud masiguro nga wala sang mga baboy ukon pork products nga kontaminado sang ASF nga makasulod gikan sa luwas sang Negros Occidental, partikular sa Luzon kag Mindanao.
Samtang, nagsulat na ang Provincial Veterinary Office (PVO) sa mga commercial establishments sa Bacolod bangud ila natalupangdan ang pagginuwa sang mga canned products nga una na nila ginpang-confiscate, bangud man sang pag-uso karun sang tagtaganay sang food packs.
Facebook Comments
