BACOLOD CITY – Nagpadulong sa Police Station 1 ang isa ka empleyada sang isa ka bangko sa Brgy. 12 agud ipa-record nga ang isa sa ila ATM machine ang gin-tampered sang wala makilala nga suspek sadtong nagligad nga Domingo sang kaagahon, Oktubre 4, 2018.
Suno sa statement sang amo nga bank employee, ginreport sa iya sang ila security guard nga naka duty sa amo nga adlaw nga may mga las 5:40 sang kaagahon sang October 4, iya nadiskubrehan nga ang O button kag ang cancel button ang may ginpatapik nga glue.
Bangud sini, naalarma ang bangko gani gilayon nila nga gin-check ang ila CCTV kag didto nadiskubrehan nga ini ang kahimuan sang isa ka babayi nga suspek nga naka-brown mask.
Makita sa camera nga ginabutangan sang suspek sang glue ang amo nga ATM machine kon diin ini ang matul-id na karon nga gina-usisa./dyHB BACOLOD
