Tulo ka estudyante nga mga Bachelor of Science in Information Technology gikan sa Gingoog City Colleges ang na-engganyo nga mohimo og Automatic Alcohol Dispenser basi sa ilang gikuha nga usa ka Electronic subject sa summer class nga gipahigayon sugod karong bulana ubos sa pagtudlo ni Sir Dexter Raut-raut.
Ang maong mga estudyante nagpadayag sa ilang nahimo nga usa ka talagsaong Alcohol Dispenser.
Ang Automatic Alcohol Dispenser usa ka sensored nga gamit sa panahon nga magbutang og alcohol ang matag usa nga musolod ug mogawas sa usa ka buhatan.
Ginama kini sa mga recycled materials sama sa plywood, stick glue, water bottle, ug uban pa. Magamit kini sa tanang oras bisan og dunay power interruption kay duna kini back up power nga USB support.
Matod pa sa tulo ka mga estudyante, ang pinakatumong sa pagmugna niini mao ang paghatag ug simple nga tabang alang sa Dakbayan. Makahinay sa pagkuyanap sa virus, hustle free ug maka save pa sa oras. Tungod kay automatic man kini boot pasabot nga less ang manpower nga mo trabaho niini nga health protocol sa COVID 19 disease.
