BACOLOD CITY – Isa ka lalaki ang gintiro patay bangud gid lamang sang iya pagpang-tutod sa atubang sang iya balay kahapon sang aga sa Brgy. 2, Bacolod City.
Nakilala ang biktima nga si Eduardo Paclibar, 40 anyos, tumandok sang La Carlota City kag temporaryo nga naga puyo sa Purok Cagaycay, Brgy. 2, ciudad sang Bacolod.
Ang suspek naman ginkilala kay Jovanie Omison, legal ang edad, kag residente man sang amo nga lugar.
Suno sa imbestigasyon, ginsaway sang suspek ang biktima nga bangud nga nagapang-tutod ini kag naga-disturbo ini sa ila balay.
Bangud sini, naglalisay ang duha tubtub nga nagkuha sang armas ang suspek kag iya gintiro ang biktima.
Isa lang ka igo sa iya dughan ang naangkon sang biktima kag gindala pa ini sa Corazon Locsin Montelibano Memorial Regional Hospital apang wala naka-salbar kag napatay gid./dyHB BACOLOD
