General Santos City–Nakagawas na sa silda sa Police Station 4 ang usa ka Princess Delos Reyes, hamtong, nga nanimuyo sa Barangay San Isidro ning syudad human nga nakapyansa kini ug 40 mil ka pesos sa kaso niini nga Qualified Thief samtang nag pabilin pa sa Police Station 4 ang kauban niini nga usa ka Christopher Santianez ngaresidenti ning syudad human nga gipasakaan kini ug kasong obstruction of justice human sa pag pugong-pugong niini sa mga pulis nga dakpon ang iyahang kauban nga dunay warrant of arrest.
Sumala pa ni Police Major Alex Lanestosa ang hepe sa Police Station 4 nga aduna matud pay nahidangat sa ilahang buhatan ug mireklamante batok kang Delos Reyes tungod sa pagpangilad matud pa niini kung asa dakong kantidad sa kwarta ang iyang nasikmoy sa mga nabiktima niini.
Dihang nakumperma sa kapulisan nga duna kini warrasnt, gilayon nilang gihimo ang operasyon nga miresulta sa pagkasikop sa suspek.
Apan gipaklaro ni Police Major Lanestosa nga dili na nila sakop ang reklamo sa mga reklamante tungod kay nahitabo kini sa kauluhang Manila hinungdan nga dili sila ang maoy mag-assist aron sa pag pasang-at ug kaso batok sa nahisgutan.(Dave Silagan)
