Usa ka babaye nga suspek sa paghupot ug ihalas nga armas ang nadakpan sa Sta. Josefa Municipal Police Station, Sta. Josefa, Agusan del Sur ug nakalapas sa COMELEC gun ban. Giila ang suspek nga si Marybel Plaza Parreno, 44 anyos, minyu ug residenti sa P-1, brgy. Angas, Sta. Josefa, Agusan del Sur.
Gisikop si Parreno sa gilusad nga joint entrapment operation sa kapulisan batok sa ihalas nga armas ug nakuha sa iyang posisyon ang 1 CZ 9mm pistol, 1 Armscor caliber .45 pistol, 1 colt MK IV caliber .45 pistol, 1 magazine sa 9mm, 2 magazine sa caliber .45, 5 rounds sa 9mm ammunition ug 5 rounds sa caliber .45 nga bala.
Ang suspek mag-atubang sa kasong paglapas sa RA 10591 kon Comprehensive Law on Firearms and Ammunition in relation to COMELEC Gun ban.
Sent from my Samsung Galaxy smartphone.
