Wala pa gihapon maila ang usa ka babayeng nakit-ang patay sa Iponan River niadtong Sabado sa hapon.
Kini ang gibutyag ni Police Sr. Inspector Erickson Sabanal, Hepe sa Police Station Seven sa Bulua ning syudad sa dihang nainterview sa dxCC-RMN sa programang Kuskos Batikos Second Edition ni RadyoMaN Zaldy Ocon.
Matud ni Sabanal nga gipahibalo sila ni Baikingon Barangay Chairman Nathan Ya*ñ*ez kalabot sa nakit-ang patayng lawas sa Barangay Baikingon nga niburot na.
Nagtoo si Sabanal nga naanod lang sa lugar ang biktima nga gibana-banang nag-edad og 40 anyos kapin kon kulang, nakasuot og violet nga blouse, itom nga purontong ug naay bracelet nga native.
Sa karon naa na sa Bollozos Funeral Homes sa Barangay Bulua ang patayng lawas sa maong babaye.
by: RadyoMaN Annaliza Amontos-Reyes
PC: Station Seven Cocpo
