Baciwa gin-ako ang sala nga computation sa pila ka mga bills sa nakaligad nga bulan

15

Bukas ang Bacolod City Water District (BACIWA) sa paghatag solusyon sa mga reklamo sang kunsumidor nga nakabaton sang tuman kataas nga bill sa tubig sa nakaligad nga mga binulan.

Sa interview sang DYHB kay Engr. Genelyn Gemora, Assistant General Manager for Operations sang BACIWA, gin-ako sini nga may yara gid man sang mga kunsumidor nga nakabaton sang bill nga may sala nga computation bangud sang nagsala nga data sa computer.


May angut sini, ginapalab-ot ni Engr. Gemora sa mga kunsumidor nga nga nakabaton sang tuman kataas nga bill nga indi na ma-justify, nga bukas gid sila para sa verification.

Ginpaathag man ni Gemora nga humalin sang Marso tubtob Mayo, nagpatigayon sila sang average billing nga ginbase sa nakaligad nga bulan sang Disyembre 2019 kag Enero tubtob Pebrero 2020.

Ginhalimbawa sang opisyal nga kun ang isa ka kunsumidor ang nagagamit sang 20 cubic meters sang Disyembre 2019 tubtob Pebrero 2020, amo man ini ang ginhimo nila nga bill sa Marso tubtob Mayo, kag nagpatigayon na sang actual reading sang Hunyo. Kun ang average billing sang Marso tubtob Mayo ang kulang naman sa actual nga gingamit sang kunsumidor, ini ang igadugang sa bill sa Hunyo nga rason suno kay Gemora nga nagtaas ang mga bill sa amo nga bulan.

Ginahatagan naman ligwa sang BACIWA ang mga kunsumidor nga mabayaran ang ila bill sang Marso tubtob Mayo tubtob sa Agosto 30, apang ila ginahingyo nga bayaran lang anay ang actual bill sa Hunyo kag sini nga Hulyo.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments