Gina-finalize na karon sang ciudad sang Bacolod ang isa ka Memorandum of Agreement (MOA) upod sa DPWH para sa pagtukod sang duha ka set sang quarantine facilities para sa dugang nga bed capacity.
Ini ang para sa mga indigent nga pasyente sang COVID-19 nga indi na kinahanglan sang hospital care kag agud ang mga ospital ang may nagakaigo nga room para sa mga pasyente nga kritikal.
Ang amo nga facility nagabalor 25 million pesos ukon 12.5 million pesos sa tagsa ka set kag ini ang iga-hatag sang DPWH bilang sabat sa appeal ni Mayor Bing Leonardia nga mabutangan sang dugang nga quarantine facilities ang ciudad para sa mga pigado nga pasyente.
Nahibaluan nga ang tagsa ka set pagalakipan sang isa ka one-storey nga container van-type structure nga may 16 ka isolation rooms nga may kaugalingon nga banyo.
Ang tagsa ka set may nurses’ station, isa ka utility room kag quarters para sa medical personnel nga naka-duty. Ini ang igapahamtang sa propiedad sang ciudad sa Brgy. Alijis.
[image: image.png]
