Maga-upod ang ciudad sang Bacolod sa Western Visayas sa natalana nga patigayunon nga region-wide launching sang Measles-Rubella Oral Police Vaccine Supplemental Immunization Activity (MR OPV SIA) Campaign sa maabot nga Pebrero Uno.
Ang amo nga aktibidad nga ginatawag, Chikiting Ligtas ang nagatuyo nga ma-immunize ang 95 porsiento sang tanan nga mga kabataan nga naga-edad 9 tubtub 59 ka bulan sang Measles-Rubella vaccines.
Subong man agud mabakunahan sang Oral Polio Vaccines ang tanan nga mga kabataan nga naga-edad naman sang 5 ka tuig, panubo.
Angut sini, ginpahayag ni CHO Regional Director, Dr. Emilia Monicimpo nga ang kampanya sa bakuna ang kabahin sang preventive measures para sa mga kabataan agud indi sila matapikan sang makalalaton nga balatian nga nagatuga kumplikasyon kag disability.
[image: image.png]
