Libacao, Aklan — Padayon makaron nga ginabueong sa Aklan Provincial Hospital ro sangka misis matapos makaangkon it lastro sa sari-saring parte it eawas ag ma trauma tag mahueog ro andang baeay sa banglid matapos nga may magtuhaw nga landslide kahapon sa Brgy. Poblacion, Libacao, Aklan.
Nakilaea ro nasambit nga misis kay Jovelyn Asiong, 37-anyos ag residente it nasambit nga lugar.
Samtang eowas mat-a man ro ana karang mag-ama nga sanday Donato Asiong ro tatay, 50-anyos; Erica Asiong, 10-anyos; Christian Asiong, 7-anyos ag Jhonrey Asiong, 6-anyos.
Suno kay Ruby Quintano it MDRRMO-Libacao nga nagtuhaw rong landslide sa tabok nga parte it baeay ugaling sa kabahoe ko porsyon it bukid rong natiphag hay umabot raya sa kardasa hasta gid sa baeay ko mag pamilya rason nga nahueog raya sa banglid.
Nasayuran nga kahapon pa eamang it agahon hay gin abisohan eon it mga taga MDDRMO Libacao rong pamilya nga maghalin bagud sa uwa it untat nga uean ugaling uwa mat-a magpati rong nasambit nga pamilya.
