Baeayran sa pagbuoe it Cetificate sa PSA, maga taas
Kalibo, Aklan — Magataas eon umpisa sa Pebrero 2 rong baeayaran sa pagbuoe it certificates sa Philippine Statistics Authority (PSA) para sa implementasyon it bag-ong laye sa tax.
Suno kay Provincial Statistics Officer Antonet Catubuan, PSA-issued birth, marriage, ag death certificates hay P155 eon ro pagabayaran kada kopya halin sa dating P140,samtang rong Certificate of no Marriage Record ukon Cenomar hay P210 eon halin sa dating 195 kada kopya.
Ro pagsaka it baeayran suno kay Catubuan hay base man sa Sec. 12 it BIR Revenue Regulations No. 4-2018 kung sa siin ro kada ano mang klase it sertipikasyon nga gina required it laye hay dapat may una nga documentary stamp tax nga P30.
“But, we would like to clarify that only the DST has an increase, while the original price of civil registry documents—P180 for Cenomar, and P125 for birth, marriage, and death certificates- remain the same,” PSO Catubuan said.
Bangud sa rayang implementasyon it bag-ong sueondanan sa tax, ginaeauman man nga rong Batch Request Query System (Breqs) outlets it PSA nga makit-an sa mga pili mga LGUs ag SM stores hay magapataas man.
Ro Breqs outlets hay otorizado it PSA nga magbaton it request para sa civil registry documents halin sa andang kleyente ag mag patong it dugang nga baeayran depende sa aprobado nga ordinansa it andang tagsa-tagsa ka mga LGUs ukon opisina.
Ulihi nga nagpasaka it baeayran rong PSA sa andang authenticated nga dokumento hay ko 2008 pa.
