Gisubhan kagahapong adlawa ang laing hospital ning syudad, partikular sa Barangay Lumbia.
Ang 25 bed capacity nga Cagayan de Oro Hospital Lumbia subhan pinaagi ni City Mayor Oscar Moreno, kauban ang mga kadagkoan sa rehiyonal sa Department of Health kon DOH, Philhealth, mga opisyal sa JR Borja General Hospital, Vice Mayor Rainier Joaquin Uy, mga kagawad, opisyales sa barangay lumbia ug mga kawani sa cityhall.
Tumong sa maong proyekto nga mas mapaduol ang serbisyo sa westeng bahin, ug madungagan pa ang kasamtangang 100- bed capacity nga JR Borja General Hospital nga nagserbisyo sa kapin sa 200 ka mga pasyente matag adlaw.
Samtang laraw na usab nga subhan ang lain pang hospital sa esteng bahin ning syudad, nga ipahimutang sa Barangay Tablon ning dakbayan.
Kini nga kalamboan tipik lamang sa daghang pang proyekto nga gitutokan ni Mayor Moreno uban sa suporta nsa 18th City Council, sa pagpangulo ni Vice Mayor Kikang Uy ug mnga konsehales.
By: Radyoman Aiza Enloran and Radyoman Ellah Baculio
