Sugod karong adlawa Lunes Hulyo 10, 2017, mo balihin na sa bag-ong natapos nga city hall dinhi sa dakbayan sa malaybalay ang tanang mga kawani sa syodad lakip na niini si City Mayor Ignacio W. Zubiri ingon man ang ubang buhatan sa dakbayan sa Malaybalay nga anaa nahimutang sa daan nga City Hall sa Claro M. Recto.
nasayran nga sa karon operational na ang bag-ong mga opisina sa syodad para maghatud sa serbisyo sa bag -o nga City Hall sa barangay Casisang.
apan gi klaro sa buhatan sa mayor nga ang Opisina sa City Treasurer ug City Assessor magpabilin pa sa daan nga City hall hangtud matapos ang pagkutay sa linya alang sa mga computerized systems ug uban pang computer network lines sa bag-o nga City Hall.
Magpabilin pa usab ang Sangguniang Panlungsod ug ang Business Permit and Licensing Division apan kini sa hamubo lamang nga panahon hangtud makompleto na ang tanan nga panginahanglanon didto sa bag-o nga City Hall.
