Gibuksan kagahapong adlawa ang bag-ong City Health Office.
Ang maong buhatan naglakip sa bag-ong clinical laboratory, nursing office, hamugaway nga waiting lounge nga gipundohan sa kagamhanang lokal ubos sa administrasyon ni Mayor Oscar Moreno.
Gibuksan usab ang Social Hygiene clinic nga gipundohan ubos sa Health Facility Enhancement Program sa Department of Health (DoH) nga balor og siyete milyones alang sa mga pasyente nga nataptan sa Human Immunodeficiency Virus (HIV) ug kadtong mga magpakonsulta kabahin sa social hygiene.
Nangulo sa pagbukas si Mayor Moreno kauban si Dr. David Mendoza, OIC Assistant Regional Director sa DOH-Center for Health Development in Northern Mindanao.
Tumong sa maong proyekto nga mahatagan og hamugaway nga serbisyo ang katawhan ning syudad.
