Roxas City, may yara sang 125 ka doses nga alokasyon sang Pfizer Vaccine para sa mga OFWs kag seafarers!

12

Roxas City, Capiz – Magabaton sang 125 ka doses nga alokasyon sang Pfizer Vaccine ang Roxas City LGU.
110 sini ang ginapartinisir ara sa mga OFWs kag Seafarers nga taga Roxas City nga manuglakat na sa masunod nga apat ka bulan kun sa diin ang pungsod nga ila padulongan kapareho sang Europe, North America kag Middle East. Ini nga mga nasyon ang naga-require sang specific nga bakuna kaangay sang Pfizer, AstraZeneca ukon Moderna.
May kaangut sini, ginpanawagan ni City Mayor Ronnie Dadivas sa nahinambitan nga mga OFWs kag Seafarers nga umpisa subong nga adlaw Hunyo 22, pwede na nga magparehistro sa City Hall Grounds alas- 8 ang takna sa aga kun sa diin ini ang FIRST COME FIRST SERVE basis.
Ginanugyan nga magdala lamang sang:
(A.) Overseas Employment Contract
(B.) Seaman’s Book para sa mga seaman
(C.) Bisan ano nga dokumento nga makapamatuod nga ikaw may kontrata sa masunod nga apat ka bulan.
Samtang sa pihak nga bahin, may naka-alokar naman para sa may Organ Transplant patients nga 15 ka Pfizer Vaccine.
Indi na kinahanglan nga magpila sa City Hall para makaparehistro.
Magtawag lamang sa Roxas City CoVid-19 Command Center sa CP # 09158532669- Globe/ 09194580142- Smart.

Facebook Comments