Kalibo, Aklan — Nagpaguwa it panibag-ong listahan rong Boracay Inter-Agency Task Force (BIATF) it mga establisyemento nga gintaw-an nanda it pahinugot nga mag operate it negosyo sa isla.
Sa updated nga listahan it Department of Tourism (DOT), nag-abot sa 353 accommodation establishments nga may kabilugang 12,907 rooms rong accredited it ahensya nga pwedeng madayunan it mga turista ag bakasyunista sa isla.
Uman man nga nagpadumdom rong BIATF sa mga gustong mag-adto sa isla nga rong mga hotels ag resorts nga una sa listahan eamang it DOT rong pwede nga magbaton it bookings ag reservations para sa pilang adlaw nga bakasyon.
Sa makaron hay limitado pa gihapon sa 6,405 rong numero it mga turistang ginapahinugutan nga makasueod sa isla kada adlaw.
Nasayuran nga kinahangean anay magbuoe ro mga establishment owner it permits ag clearances kamana man iba pang requirements halin sa Department of Interior and Local Government (DILG), Department of Environment and Natural Resources (DENR) ag DOT bago pahinugutan nga maka-operate it andang negosyo.
