Gipangunahan ni Fr. Jonathan Tianero ang maong mga opisyales isip upcoming President sa organisasyon alang sa tuig 2024.
Nahimong Presiding Officer ug Guest Speaker sa maong kalihukan si Pangantucan Municipal Mayor Miguel Silva Jr. asa hugot niining gihatagan og importansya ang role sa media ilabi na sa komunidad.
Matud ni Mayor Silva nga importante nga marekognisa ang kalambigitan sa media sa pagdesiminar og mga impormasyon diin dako kayo og ikatabang sa komunidad.
Gawas niana, nanumpa usab ang bag-ong akreditar sa organisasyon nga mga brodkasters sa nakalabayng October 2022 KPB Accreditation Exam.
Gisalmotan sa mga nagkadaiyang miyembro sa media gikan sa managlahing istasyon sa radio ang maong Oathtaking and induction ceremony diin gisugdan sa pagblessing sa bag-ong opisina sa KBP-Bukidnon Chapter nga nahimutang sa Philippine Christian College (PCC), Maramag, Bukidnon.
