Bun-og ug pangos sa nagkadaiyang parti sa kalawasan ang naangkon sa usa ka lalaki human nga mabanggaan sa usa ka sakyanan pasado alas 7 kagabie partikular sa Fortich Street, Barangay 3, Malaybalay City, Bukidnon.
Ang biktima gikatahong 27 anyos, ug residente sa Claro M. Recto St., Barangay 3, Malaybalay City.
Sumala sa report, nga patabok sa kadalanan ang biktima sa dihang wala kini mabantayi sa gadagan padulong sa south nga direksyon nga Nissan Navarra Pick up, nagtangag og plakang numero LAI8174 ug gimanehu sa usa ka lalaki nga residente sa Caridad, Lambayong, Sultan Kudarat hinungdan nga nabanggaan kini.
Daling gidala sa Bukidnon Provincial Medical Center (BPMC) ang biktima nga anaa ra usab sa luwas nga kahimtang.
Giturn-over karon sa Malaybalay City Traffic Management Center (TMC) ang sakyanan nga nakabangga ingon man ang drayber niini alang sa tokmang disposasyon.
Facebook Comments
