Sa pakighinabi sa DXDC RMN Davao kang Elbert Landas,bus driver rotang Davao padulong Tagum City gisulti niya,gikinahanglan nga sundon sa tanang drayber ang palisiya sa gipatuman sa Terminal aron pagsiguro nga anaa sila sa maayong kondisyon sa lawas ang mga drayber ug luwas sab ang ilang mga pasahero nga mobiyahe sa kadalanan.
Segun ni Landas,isip bus driver ang pinakalabing maayo himuon mao ang mag-amping kanunay sa pagmaneho og dili nalang magpakusog sa pagpadagan.
Nahinabi sab sa DXDC News Team si Eden Samillano,Bus driver,giingon niya,ang ,pinaka sekreto himuon una mobiyahe mao ang pag-ampo ngadto sa labaw’ng makagagahum aron malikay sa disgrasya.
“Daygon ampo sa kahitas-an mao na ang pinaka dako nga sekreto una mobiyahe”,sulti ni Samillano.
Kahinumdoman usa ka Ceres Bus sa Hamtic,Antique ang nadisgrasya human nahulog sa pang pang didto sa nasampit nga lugar diin adunay 16 ka pasahero ang namatay sa maong disgrasya nga posibleng naay aberya ang maong bus.
RadyoMaN Don Pulayao
