Gihangop sa Diocese of Butuan ang paghidangat sa bag-ong napili nga Obispo nga si Bishop Cosme Damian Almedilla.
Si Bishop Almedilla maoy ikatulong Obispo nga magserbisyo sa Diocese of Butuan kung diin epektibo ang episcopal ordination ug installation isip Bishop of Butuan karong Hunyo 25, 2019 sa St. Joseph Cathedral, ning syudad sa Butuan.
Subay niini nakatakdang moatubang sa media si Bishop Almedilla karong Hunyo 24, 2019 alang sa usa ka Press Conference.
Si Bishop Almedilla maoy mihulip sa laing Bol-anong Obispo nga si Most Rev. Juan de Dios Pueblos kinsa mitaliwan niadtong Oktubre 2017.
Madumduman nga atoll sa Solemnity of the Annunciation, gi-anunsyo ni Pope Francis ang pagtudlo kang Rev. Fr. Cosme Damian Almedilla isip bag-ong Obispo sa Diocese sa Butuan.
Si Bishop Almedilla usa ka membro sa clergy sa Diocese of Talibon, Bohol ug nagserbisyo isip Parish Priest sa Holy Child Paris sa Ubay, Bohol.
Gi-ordinahan kini niadtong Agosto 4, 1987 human sa formation sa St. John XXII College Seminary sa Malaybalay city ug Loyola School of Theology sa Ateneo de Manila University. [image: obispo sa butuan.jpg]
