Walay suspek nga napatay sulod sa 61 ka mga anti-illegal drug operation sa Caraga gikan niadtong Disyembre 5 hangtud na sa Pebrero 23 ning tuiga sukad gibalik sa PNP ang kampanya batok illegal drugs.
Sa kinahulahiang datus sa Police Regional Office 13 Caraga miabot sa kapin 340 ang tokhang activities sa PNP ning rehiyon nga adunay 119 ka mga drug surenderes ug 78 ang nangadakpan.
Samtang miabot sa 20.3 grams sa druga ang nakompiska nga adunay kapin sa 239 thousand pesos nga estimated market value.
Sumala pa ni Chief Superintedent Noli Romana, Regional Director sa Police Regional Office 13 nga magpadayun ang ilang kampanya batok druga.
Subsob usab karun ang ilang OPLAN TOKHANG arun mag kumbinsir sa mga drug personalities sa pag undang sa bisyo.
