Bag-ong quarter sa TF Davao gitukod sa DCOTT

15

Davao City – Dako og tabang ang two-storey building sa Task Force Davao (TFD) nga gitukod sa Davao City Overland Transport Terminal (DCOTT) ug gi-handover niadtong Mayo 20, 2021.

Sa interbyu sa DXDC RMN Davao kang Aiza Usop, DCOTT Manager, gisaysay niini nga tumong sa maong billeting quarter nga adunay pasilidad nga kapahulayan sa TFD personnel nga na-assign sa DCOTT labi na nga 24/7 ang ginapatumang security measures sa terminal.


“Dako kaayo ning tabang sa ilaha at least pod kung wala pod sila naga duty kay shifting man pod na sila, makapahulay pod sila og tarong,” sulti ni Usop.

Gipangunahan ni Davao City Mayor Sara Duterte-Carpio ang blessing ug pag-handover sa pasilidad niadtong Huwebes, uban si TFD Commander Colonel Consolito Yecla, City Transport and Traffic Management Office (CTTMO) Chief Dionisio Abude, ug DCOTT Manager Aisa Usop.

RadyoMaN Kirby Manzon

Facebook Comments