SPMC healthcare worker nidawat og duha ka klaseng COVID-19 vaccine

19

Davao City- Gibakunahan og laing brand sa bakuna ang usa ka healthcare worker sa Southern Philippines Medical Center (SPMC) sa iyang ikaduhang dose kontra COVID-19.

Gibutyag ni SPMC chief Dr. Ricardo Audan, nag-anaphylactic shock kun seryuso ang side effects sa healthcare worker sa unang dose niini gamit ang Astrazeneca vaccine, samtamg sa ikaduhang dose, Sinovac vaccine na ang gibakuna kaniya.


Gipasabot ni Audan, ang gitugot lang sa Department of Health ug Food and Drug Administration ang paggamit sa laing brand sa bakuna sa ikaduhang dose kung nakasinati’g serious side effects tungod sa bakuna ang usa ka recipient.

“ Ang gi-allow kung ang first dose nimo nagkaroon ka’g serious adverse reaction to the extend nga na-admit ka sa E.R. (Emergency Room), ang second dose nimo pwedi kang mu-change,” sumala niini.

Matud ni Audan, maayo na ang kondisyon sa maong healthcare worker sa pagkakaron human makumpleto ang COVID-19 vaccination niini.

Gitin-aw ni Audan, wala gihapon gitugot pa ang pag-mix sa mga brands sa bakuna ilabina kung wala man lang major adverse events. Samtang, 95% sa mga SPMC workers ang nabakunahan na, 93% usab sa mga nidawat sa Sinovac vaccine ang nakumpleto na ang duha ka dose ug sa Hunyo pa ang second dose sa mga nidawat og Astrazeneca vaccines, segun ni Audan.



RadyoMaN Aimee Guinita


Facebook Comments