BAG-ONG SINUEUKTAN SA PAMASAHE SA TRICYCLE SA BANWA’T ALTAVAS GING APRUBAHAN

Kalibo, Aklan – Sa ging patigayon nga committee hearing ging aprubahan it Sangguniang Panlalawigan
Committee on
Energy, Public Utilities, Transportation and Communications ag Committee on Laws, Rules and
Ordinances ro P3.00 nga dugang sa bag-ong rate it pamasahe sa tricycle sa banwa’t Altavas.
Suno kay Cyril Alejandro, secretary it Altavas Tricycle Operators and Drivers Association ATODA nga 2006
pa sanda ulihing nagpasaka it pamasahe sa kantidad nga P6.00 pero P5.00 eamang ro andang ging
implementar.
Dugang na nga ging pahayag nga bangud sa asud-asud nga pagsaka it presyo’t gasolina, spare parts ag
nagapangunang baeakeon naga kinahangean eon gid sanda it tricycle fare adjustment.
Suno mat-a kay Sangguniang Bayan member Ronie Panadero Chairman Committee on Transportation it
Altavas Sangguniang Bayan ro P3.00 nga tricycle fare adjustment ging ayunan it Altavasnon sa ging
patigayon nga public hearing.
Bangud kara sa dating P5.00 maging P8.00 eon ro bag-ong pamasahe sa tricycle sa banwa’t Altavas.