KALIBO, AKLAN — Nag pungko eon ko July 31 ro bag-o nga Acting Provincial Fire Marshall kung probinsya it Aklan.
Raya hay si FSINSP. Rowel Llena Limjuco nga dating City Fire Marshall it Roxas City ag nag bueos kay FSINSP. Patricio G. Collado.
Sa pag-assume ni Limjuco hay nag courtesy call man imaw sa opisina nanday Gov. Joeben T. Miraflores, Vice Gov. Reynaldo Quimpo ag kay Mr. Galo Ibardolaza it PDRRMO bangud nga nagapati imaw nga kon may pag intindihanay ag kooperasyon rong kada isaea hay maeomo rong pagsolbar ko mga emerhensiya sa probinsya it Aklan pinaagi sa disaster preparedness.
Ginpaathag man nana nga rong BFP hay bukon eamang it para sa sunog kundi naga responde man sanda sa tanan nga emergency kapareho kung aksidente, baha ag iba pa nga kinahangean ko andang serbisyo.
Dugang pa gid ni Limjuco nga unang-una nana nga marching order sa mga Municipal Fire Marshall hay magpatigayon it hazard mapping sa andang area para i-identify ro mga fire prone ag ro mga disaster nga pwede magtuhaw sa lugar para nga kon indi ma eradicate hay ma lessen ro epekto sa lugar.
Ikaywa ro pag check it mga fire hydrants sa lugar, ag ro mga daean nga paga agyan it fire truck ingkaso may sunog kung may factors man nga makaapekto para nga I report sa anang opisina ag ikapaabot man sa mga Local Government Units nga concern agod mataw-an it aksyon.
Nagpasaeamat man imaw sa mga Aklanon eabi gid sa mga taga RMN Kalibo sa mainit nga pag welcome kana.
