Kalibo, Aklan – Uwa it kamatuoran rong naga eapta nga balita angot sa buy one take one ag bagsak presyo sa baealigyaan it droga makaron nga buean it Disyembre,
Suno kay PMaj. Bernard I. Ufano, Chief Intel it Aklan Police Provincial Office (APPO) nga sambilog raya sa mga naha istoryahan sa ginhiwat nanda nga Regional Police Intelligence Conference ko nagtaliwan nga adlaw sa syudad it Iloilo ag naga guwa nga negatibo nga may buy one take one ag 50% off sa presyo it droga.
Raya ro anang ginpahayag kahapon sa ginpatigayon nga press conference sa Aklan PPO.
Ana pa nga ginpahayag nga indi malikawan rong padayon nga pagsueod it droga sa probinsya makaron nga buean hasta sa Disyembre bangud nga Christmas season ag maabo nga mga selebrasyon pero minimal eamang raya suno kana.
Eaban man suno kay Ufano ro mga droga nga nagasueod sa probinsya hay halin sa Cebu ag Bacolod.
