Davao Oriental – Gikumpirma sa Baganga Municipal Disaster Risk Reduction and Management Office (MDRRMO) nga adunay tulo (3) ka mga indibidwal ang gikatahong na-missing human wala pa nakauli sa ilang panimalay.
Sa interbyu sa DXDC RMN Davao kang Noel Pregon, Baganga MDRRMO Officer, gibutyag niini ang maong mga indibidwal naggikan sa Barangay Kinablangan nga padayon karong gipangita sa awtoridad.
Samtang, gikumpirma usab sa MDRRMO official nga luwas nang nakauli sa ilang panimalay ang unang gika-report nga missing nga duha ka mananagat.
Kahinumduman, pasado alas 8:00 sa gabii niadtong Huwebes (Mayo 13, 2021) nag-landfall ang bagyong Crising sa Baganga sa naasoy nga probinsya.
RadyoMaN Kirby Manzon
Facebook Comments
