Kapin 20 ka sakyanan wala kasulod sa Davao Region Border

140

Davao City – Nahimong hapsay ang unang adlaw sa pagpatuman sa Regional Border Control Checkpoint sa Davao City kagahapong adlawa (Mayo 14, 2021) bisan pa man sa pipila ka mga sakyanan nga wala nakasulod tungod kay walay dalang dokumento isip pagpamatuod nga importante ang ilang biyahe.

Sa interbyu sa DXDC RMN Davao kang Police Major Arquimedes Wesley, Deputy Chief Davao City Mobile Force Company (CMFC) ug overall team leader sa Lumondao checkpoint, gibutyag niini nga anaa sa kapin 20 ka mga sakyanan ang wala gipasulod human napakyas sa pagtuman sa guidelines sa border control checkpoint.


Matud ni Wesley, ang rason niini wala sila makahibalo nga adunay dugang requirements nga gipangayo sama sa negative RT-PCR (reverse transcription polymerase chain reaction) test result sa dili APOR (Authorized Person Outside of Residence) ug kadtong walay essential nga transaksyon pasulod sa Davao Region.

Hinoon walay mga dagkong problema ang nasinatian sa unang adlaw sa regional border control checkpoint. Padayong panawagan nila sa mga motorista nga seguradohong importante ang lakaw pasulod sa rehiyon 11 aron walay mahimong problema sa biyahe.

“So far, smooth na ma ‘yung ano. Nakakaya naman. Hindi na man marami ‘yung (naharang). Nakakalusot na man ‘yung iba kasi alam na nila yung kinahanglan nga requirements para makasulod sa Davao Region,” matud ni Wesley.

RadyoMaN Kirby Manzon



Facebook Comments