VICTORIAS CITY, NEGROS OCCIDENTAL – Masobra sa 2,800 ka mga household halin sa nagkalain-lain nga bahin sang Victorias City ang apektado na karon sang tuman nga pagbaha bangud man sang pagtupa sang ulan.
Base sa record sang Victorias Department of Social Welfare and Development ukon DSWD ang apektado nga mga lugar amo ang Brgy. 1 nga may yara sang 483 ka mga affected household kag 116 ang mga evacuees.
Sa Brgy. 3 may kapin 460 households affected kag 16 ang evacuees kag temporaryo karon nga naga-tiner sa day care center sang amo nga barangay.
Apektado man ang Brgy. 9 na may 968 households affected, Brgy. 17 may 65 ka household nga apektado kag 65 man ang evacuees.
Brgy. 18 may 30 ka households nga apektado kag 30 man ka mga evacuees, Brgy. 19 may kapin 264 ka affected household kag 5 ka evacuees, Brgy. 13 may 102 ka affected households kag 72 ka evacuees subong man ang Brgy. 7 nga may 269 ka apektado nga pamilya lakip na ang Brgy. 4 nga may 96 ka affected families.
Samtang ang pinakamalala naman nga apektado amo ang Brgy. 19-C ukon ang Canetown kon diin (as of presstime) indi na ini maagihan pa bangud sang tuman ka taas nga tubig baha.
Ginpahayag ni Mayor Wantan Palanca nga ginalantaw nga rason sang baha sa Canetown amo naman ang nawasak nga dam sa Alacaygan, EB Magalona./Joseph Daquel photo/RMN
