NAGRESULTA sa panic ang gituohang gas leak sa usa ka university library sa Australia.
Basi sa taho, prutas nga Durian ang nakit-an sa pipila ka crew sa Royal Melbourne Institute of Technology sa ilang university campus library.
Matud sa Metropolitan Fire Brigade spokesman, naalarma ang mga staff ug estudyante human mi-alisngaw ang baho sa maong prutas sa air-conditioning system sa building.
Mikabat sa 600 ka staff ug estudyante ang nibiya sa building tungod sa maong hitabo.
Naila ang Durian nga may grabing baho ug usahay gidili sa pipila ka hotel ug public transport sa pipila ka dapit sa Southeast Asia.
-o0o-
By: RadyoMaN Edgar Navarro
Facebook Comments
