Boracay — Dead on arrival sa St. Gabriel Hospital Boracay rong sangka 40 – anyos nga eaeaki matapos nga maeomos kahapon it agahon samtang naga snorkeling.
Ro nasambit nga biktima hay uwa eon pagpangaeani bangud man sa hinyo ko anang pamilya.
Sa pakikipag-angot it RMN DYKR Kalibo kay Philippine Coastguard Commander (PCG) Marlowe Acevedo nga kainang agahon hay nakabaton it tawag ro andang sea patrol halin sa MDRRMO Malay nga may nagapangayo it rescue sa may Crocodile Island, Sitio Tambisaan, Manocmanoc, Boracay.
Pag-abot nanda sa area hay uwa eon it alentro ro nasambit nga biktima naga eotaw ag nagakueob ag insigida nga gindaea sa hospital pero gindeklara nga dead on arrival.
Nasayuran sa pag usisa it PCG nga mga ala 7:00 pa eang kahapon it agahon hay nag umpisa eon sanda nga mag snorkeling ag natabo rong insidente mga alas 8:00.
Sa makaron hay uwa pa gid masayuri kon may ibang sakit rong biktima ag inatake raya samtang una sa tubi.
Ro bangkay it biktima hay una makaron sa sangka punerarya sa banwa it Malay ag nakataeana nga pagadaehon hin aga sa bahin it Metro Manila
