Gihimakak sa kasundaluhan nga dili harassment kon dili engkwentro ang nahitabo kagahapun bandang alas 10:40 sa buntag , nga miresulta sa pipila ka minuto nga bakbakan tali na mga rebellede ubos sa GF4A, NCMRC ug tropa sa 23rd IB PA, pagpanguna ni 2LT Corpuz sa Sitio Tabon, Brgy. Aclan, Nasipit, Agusan del Norte .
Subay sa taho nga atung nadawat samdan sa maong engkwentro ang 2 ka mga sakop sa 23rd ib kinsa nailang sila CPL. Rey Dancila and PVT Jerome Radoc, nga anaa na sa luwas nag kahimtang.
Kung madumduman nga human sa hitabo daling nagpagawsa ug pamahayag si Ka Omar Ibara sa GF4A, NCMRC sa NPA nga dunay 4 nga napatay ug 3 ang samdan sa habig sa kasundaluhan.
Apan hugut nga gibarugan sa 23rd IB Phil. Army nga walay patay sa habig sa sundalo ug bugtong ang duha lamang ang nasamdan kinsa anaa na sa luwas nga kahimtang. Ang NPA matud pa maoy namatyan nga naila sa pangalang si Ka Mayek, usa ka babayeng membro sa NPA.
Nagtoo ang military anga gilubong lang kini sa mga NPA sa wala masayring lugar.
Sa pikas bahin, Dili moubos sa 200 ka mga indibidwal nga mga residenti sa sitio Tabon, brgy. Aklan, Nasipit, Agusan del Norte ang nibakwit ug anaa karon sa Aklan Covered Court human natigayon ang engkwentro tali sa rebelding New Peoples’ Army (NPA) ug tropa sa 23rd IB Phil. Army kagahapon.
Nahadlok ang mga sibilyan sa mga boto sa armas sa dihang gibombahan sa mga sundalo ang NPA gamit ang attack helicopters.
Gikatahung nag-patrolya ang tropa sa 23rd IB Phil. Army sa dihang nadawat ang report nga adunay presensya sa mga NPA sa lugar nga miresulta sa engkwentro.
Sent from my Samsung Galaxy smartphone.
