BACOLOD CITY – Ginabulubanta nagdangat sa kapin P25 mil pesos nga balor sang gadget ang nakuha sang suspek nga nagpangawat sa sulod sang isa ka balay kahapon sang kaagahon sa Brgy. 35, Bacolod City.
Ginkilala ang biktima nga si Nemia Ingga, 49 anyos ang edad, kasado kag pumuluyo sang Purok Mabinuligon, Brgy. 35 ciudad sang Bacolod.
Suno sa biktima may mga las 3 sang kaagahon sadtong nagligad nga adlaw, iya nadiskubrehan nga wala na ang iya 5 ka mga cellphone, isa ka tablet kag isa ka power bank nga nagabalor tanan sang kapin P25 mil pesos.
Nagapati si Nina nga ini ang ginkawat sang wala niya na identify nga suspek nga nagsulod sa ila balay, rason nga ini ang nagdagon dagon sa Police Station 1 agud magpa record.
Facebook Comments
