Davao City- Gilusad sa kapulisan sa San Pedro PNP ang oplan Double Barrel Alpha kauban ang PDEA11 alas 6:45 sa buntag gahapong adlawa human giimplimentar ang search warrant ngadto sa usa ka high value target nga ginganlang Dajarn Baginda, alyas Danal, hingkod ang edad ug gituhoang nagabaligya og shabu sa San Pedro ug Sta. Ana ning syudad.
Sa dihang gipatuman ang search warrant, wala ang presensya sa suspek apan nakuha sa kapulisan gikan sa iyang panimalay ang tulo ka sachet nga gituohang shabu nga mokantidad og 3,000.00 pesos, ug mga drug paraphernalia.
Ang mga ebidensya nga narecover anaa na sa crime lab sa San Pedro PNP.
Sa pikas bahin, nadakpan sa Sta. Ana PNP ang usa ka drug pusher human nakuhaan og shabu atol sa gilusad nga buy bust operation alas 10:10 kagabii didto sa purok 2 Muslim Village Sasa ning dakbayan.
Ang suspek giila nga si Saladin Paradis Tanjili, 35 anyos residente sa nasangpit nga lugar.
Narecover sa dinakpan ang usa ka elongated shape transparent plastic sachet ug laing pang usa ka rectangular heat sealed transparent plastic sachet nga gituohang shabu, mga drug paraphernalia ug buy bust money nga five hundred pesos.
Ang duruha pasakahan og kasong paglapas sa Republic Act 9165 kun Comprehensive Dangerous Drugs Act of 2002.
Kasamang Don Pulayao
