Banga, South Cotabato–Balhog sa selda sa Banga MPS ang suspetsadong si Gilbert Bayuca, hamtong ang pangidaron, truck driver nga nanimuyo sa brgy. Lambingi, Banga, South Cotabato human nga gisilbihan ug search warrant no.185 sa mga personahe sa Banga PNP alas 5:30 sa buntag sa panimaly mismo sa suspek nga gi-isyu ni judge Glenn Quimba sa 2nd MTCC Banga-Tantangan sa nasampit nga munisipyo.
Sumala pa ni Police Lieutenant Ricky Frias, Deputy Station Commander sa BANGA MPS nga wala nila na-abtan ang suspek sa iyang panimalay dihang gisilbi ang maong warrant apan dunay silay narekober nga pito ka sachet nga dunay sulod nga gituohang shabu.
Saysay man usab sa opisyal nga misurender matud pa ang suspek sa usa ka Brgy.Kagawad sa susamang adlaw ug gilayon kining giturn-over sa kapulisan.
Samtang giandam na sa kapulisan ang kasong atubangon sa suspek sa kalapasan sa RA 9165.
