Davao City – Generally peaceful ang pag-abli sa klase sa tanang pampubliko ug pribadong eskwelahan sa Davao Region.
Sumala ni Police Regional Office 11 (PRO-XI) Spokesperson P/Chief Insp. Milgrace Driz, walay natalang kakulian base sa report usab sa mga gipangmuntar nga mga police assistance desks gawas sa mga eskwelahan.
Kanunay’ng pahinumdom sa mga awtoridad ngadto sa mga ginikanan nga dili lang idepende sa mga magtutudlo ang pagbantay sa ilang bata apan angay nga sila pod ang mubantay ug mudisiplina sa ilang mga anak.
Samtang pahimangno ni Driz ngadto sa mga estudyante nga likayan nga mulambigit sa mga gang o mga grupo nga dili makahatag og maayong impluwensya diin makaapekto hinuon sa ilang pag-eskwela inay tutukan ang ilang pagtuon aron nga mumaayo usab ang ilang mga kinabuhi.
Base sa rekord sa mga PRO-XI, adunay 314 ka mga gipangmuntar nga mga police assistance desks ug dul-an usa ka libo ka mga kapulisan ang gipang-deploy sa entero Rehiyon 11.
RadyoMaN Aimee Guinita
