Daghan ang dili ka tuo sa balita nga napagya karun diha sa Kitcharao, Agusan del Norte nga adunay mga Lumad nga nikalit ka kwartahan tungod kay nahalinan kini sa mokapin P 2 miliion nga subok sa kahoy nga Lapnisan o Agarwood.
Kini ang pagpamatuod ni Mr. Sala, silingan mismo sa mga Lumad nga nagbaligya ug subok sa Lapnisan.
Sa Exlusive Interview sa RMN DXBC, giasoy ni Mr. Sala nga sadya kaayo nga mibangka ug inom ang mga Lumad, ug siya nakakita mismo sa binandol nga salapi nga gipakita sa mga Lumad.
Grupo sumala pa sa mga Lumad ang nahalinan, ug grabe ka layo sa lugar nga ilang gisaka sa bukirang bahin sa Kitcharao ug Agusan del Norte.
Gihulagway sumala pa sa mga Lumad nga Ikapitong bukid sumala pa ilang gibaktas sulod sa usa ka semana.
Usa ka Datu usab sa Surigao del Sur ang mikumpirma nga dugay na usab napagya ang report kalabot na sa pagpamalit sa kahoy nga Lapnisan.
Gani aduna nay pipila ka indibidwal nga niansinso, nakapalit ug sakyanan gumikan sa halin sa subok sa maong kahoy.
Sa kalabut mga balita didto sa Davao? Davao City – Sikop sulod sa gipondohang hotel dinhi sa dakbayan sa Davao ang 3 ka mga langyaw kinsa iligal nga gapamalit og endangered nga kahoy nga Agarwood o Lapnisan.
Giila ang mga suspek nga sila Mot Tahear, Malaysian, Ahmad Azim Binmat Rahim, Malaysian ug Muhammad Isa Tahear usa ka Cambodian.
Nakuha sa posisyon sa mga suspek ang mga kahoy nga gisulod pa sa mga maleta.
Gikanayon sa Department of Environment of Natural Resources XI ang Lapnisan o Agarwood usa ka klase sa kahoy nga ginagamit nga tambal sa kanser, insenso, aphrodisiac ug makuha usab gikan sa maong punuan ang pinasahi nga sa oil nga ingredient sa perfume.
Sumala sa DENR ang market value sa maong nasangpit nga kahoy anaa sa 100K US Dollars o kapin P5M.
Matud sa mga suspek napalit nila ang mga kahoy sa Mati City, Davao Oriental sa presyo nga P1000-P2,000 per kilo.
Saysay sa mga dinakpan nakaila nila ang ilang napalitan sa maong kahoy sa facebook ug nidayo sila og tuyo sa nasud aron mamalit niini nga gamiton nila sa ilang negosyong pahumot.
Kasong paglapas sa PD 705 ug RA 9147 ang gikatakdang ipasang-at batok sa mga suspek.
Gikasa ang maong joint operation sa pagpanguna sa National Bureau of Investigation XI, DENR, Philippine Coastguard ug Bureau of Immigration.
Sent from my Samsung Galaxy smartphone.
