1 patay, 52 angol sa disgrasya sa Bukidnon
Nawad-an matud pa ug break hinungdan na-disgrasya ang usa ka Elf truck sa Sitio Langga, San Vicente lungsod sa Sumilao, Bukidnon.
Sa interview sa RMN Malaybalay ngadto kang P/Senior Inspector Dennis Cerilla, ang hepe sa Sumilao Municipal Police Station gibutyag niini nga paingon matud pa sa reunion didto sa El Salvador City, Misamis Oriental gikan sa Impalutao, Impasug-ong, Bukidnon ang mga biktima apan pag-abot ninii sa mao nga dapit nawad-an ug break.
Matud ni Cerilla nga nahitabo ang disgrasya alas 11:30 kapin kon kulang sa buntag niadtong Huwebes.
Gimaneho ni Christopher Cuario, 35 anyos ang Elf Truck nga nagdala sa Plate number nga XHB 858.
Matud ni Cerilla nga gisaysay sa driver nga nawad-an ug break ang ilang gisakyan duha ka kilometros sa wala pa ang dapit nahitabuan.
Wala na matud pa namaniobra pa sa driver ang mao nga sakyanan tungod kay kusog na ang dagan ug pakurbada pa ang karsada.
Mukabat matud pa sa 60 kapin kon kulang ang sakay sa mao nga Elf, diin 53 niini ang nasamdan.
Gi-ingon sa hepe nga sa 53 nga nasamdan, usa ang namatay nga mao si Florida Sabido.
Kapin kun kulang 1 million pesos gibana-banang damyos sunog sa usa ka boarding house
Iligan City – Mukabat sa kapin kun kulang 1 million pesos ang damyos sa sunog sa usa ka boarding house kagahapong adlawa, diha sa may Fernandez Compound, Zone 3 Barangay San Miguel ning dakbayan sa Iligan.
Matud ni SFO1 Rene Maglangit sa Bureau of Fire Protection, nga nadawat nila ang firecall ala una dos ang takna sa hapon diin maoy gilamoy sa kalayo ang usa ka boarding house kun asa adunay nag abang nga mga estudyante.
Posibleng problema sa electrical circuit ang hinungdan sa sunog diin nasayran nga kalit lang napalong ang kurente kagahapong adlawa.
Miabot sa napulo ka firetrucks ang nakig bugno sa kalayo diin gideklarang under control ala 1:40 ang takna sa hapon ug na fire out alas 2:06 na sa hapon.
Walay casualty o nasamdam atol sa maong panghitabo.
Padayon ang gihimong imbestigasyon sa BFP kalabot sa maong insidente.
Mga Squatters, gipang demolish
Lima ka adlaw adeser ang Pasko, gidayon gyud sa local nga Panggamhanan sa dakbayan sa Butuan pagdemolish sa mga residente nga nanimuyo sa Village 2, Brgy. Libertad ning dakbayan sa Butuan.
Pamahayag ni Rajah Eddie Asaytuna sa grupong Manubo Lapaknon, gipasalig sa syudad ug ni Barangay Kapitan Menchie Rosario nga tagaan ug relocation ang mga apektadong pamilya sa demolition maong girespito na lamang nila ang order of demolition ni Mayor Ronnie Vic Lagnada.
Gituohang miyembro sa AKP nga nadakpan sa PNP-nanghimakak
General Santos City–Hugtanong gibarugan sa suspek nga si Jamjo Sala alias Jamjum, kansa gituohang miyambro sa Grupong Ansar Al Khilafa Philippines (AKP) nga una nang nasikop niadtong nakalabayng adlaw dinhi sa dakbayan sa Gensan nga siya dili miyembro sa AKP ug labaw sa tanan dili siya sympathizer sa ISIS.
Atol sa interview sa RMN Gensan news Team kang Jamjo iyang gibutyag nga kung siya usa ka terorista wala na unta siya milugsong sa syudad aron manarbado. Sumala niini nga 20 palang kini ka adlaw sa Gensan ug tumong niini sa syudad manarbaho ug dili magmugna ug teroristang lihok.
Giangkon niini nga nakaila siya sa namatay nga si Kumander Tokboy Maguid ang Founder sa AKP, apan dili isip kaubanan sa usa ka grupo kon dili isip magsilingan gumikan usa ra sila ka barangay nga gipuy-an.
Gihingusgan pa niini nga siya biktima ra usab ni Tokboy. Pila ka tuig na ang nakalabay, siya uban ang pito pa ka mga kalalakin-an ang gidagit matud pa sa grupo ni Tokboy ug gidala sa ilang kampo sa Barangay Daliao, Maasim.
Sila gipreso sa sulod sa CR dayon gipugos nga muapil sa ilang grupo. Apan giklaro ni Jamjo nga siya nagdumili gumikan sayod siya nga dautan ang usa ka tetorista.
Gawas matud pa kay tokboy wala na syay nailhan sa mga midagit kanila tungod pulos nakataptap ang nawong sa mga nasampit.
Atol sa pagdagit kanila sila gipasul-ob matud pa ug itom nga senina dayon gipagunit ug armas ug gikuhaan ug picture.
Ang ilang hulagway gipost sa Social Media dayon gipa-ila-ilang miyembro sa AKP ug Suporter sa ISIS.
Gawas niini gipadala pa ang ilang picture sa ISIS didto sa ubang nasud aron mahatagan matud pa ug pundo ang grupo sa AKP.
Niadtong higayona, wala gyud silay mahimo tungod pulos mga armado ang nakapalibot kanila.
Hustisya padayong singgit sa pamilya sa NCCC fire victims
Davao City – Gipanguluhan sa lokal nga panggamhanan ang usa ka memorial service kagahapong adlawa, Disyembre 21, 2018 alang sa pagkomemorar sa 1st year anniversary sa NCCC Mall fire incident nga nihunos og 38 ka mga kinabuhi.
Sa interbyu sa RMN Davao kang Chad Daluro bana ni MaryJoy Hope Daluro nga usa sa mga namatay sa sunog nga nitambong sila sa gipahigayong misa kagahapon sa hapon sa San Pedro Cathedral.
Sumala ni Daluro nga nagpabilin siyang lig-on nga malampasan niya ang nahitabong trahedya nga maoy hinungdan sa pagkawala sa iyahang misis nga si MJ.
Gisulti niini nga aduna siya’y diutay nga pagkadismaya sa hinay nga pag-uswag sa kaso.
Nagmalaumon kini nga mahatagan gayod ang ilahang pamilya og hustisya.
Nakighimamat usab si Davao City Mayor Inday Sara Duterte-Carpio sa mga pamilya sa mga namatay atol sa misa.
Matud ni Daluro nga na-appreciate nila ang gihimo sa City Government of Davao.
Laing misa usab ang ipahigayon karong Dominggo sa San Pedro Cathedral sa inisyatibo sa NCCC Mall.
Mensahe ni Daluro sa uban pang pamilya nga sama niya nagpadayon sa pagtikang human sa mapait nga kasinatian nga dili sila mawad-an og pagsalig sa kahitas-an ug magpadayon gihapon sa ilahang mga kinabuhi.
Kahinumduman nga human nga napasang-at sa Inter Agency Anti-Arson Task Force ang mga kaso batok sa 33 ka mga indibidwal niadtong Agosto 30, gipasalig sa City Prosecutor’s Office nga tapuson nila ang ilahang preliminary investigation una pa man ang usa ka tuig nga anibersaryo sa NCCC Mall fire incident.
