El Barangay Baliwasan ta intensifica aura el conducta del se llama “dredging” o limpiesa del mga desague na diila comunidad.
Na encavesamiento del Capitana Eimee Cabato, el Operation Dredging ya initia el su liderato, pormedio del mga personajes ta trabaja na TUPAD Program del Departamento de Obrero y Congresista Celso Lobregat.
Asegun con Cabato, este programa ta initia sila por el preparaccion del realisasyon del un Comprehensive Drainage System Project (CDSP) del Baliwasan.
Veinte mga TUPAD trabajante el aura amo ta initia coneste, junto con el ayuda del mga personajes del barangay y el mismo mga residentes que ta asisti canila na mantensyon del limpieza.
Pormedio de este programa, hay fuede hace limpieza con el mga camino, desague y mga canal que estangcao yap or largo tiempo, lo mismo fuede privini el mga emfermedad como el Dengue y losdemas pa.
Apelo de Capitana Cabato con el mga vivientes de Baliwasan, para suporta canila en este campaña por el sanitaccion del diila mismo comunidad. *– Bhong Simbajon/RMN News*
