BACOLOD CITY – Padayon karon nga ginabulong sa ospital ang isa ka bana nga ginbuno sang iya asawa sa buli sang nagligad nga adlaw sa Brgy. Banago, Bacolod City.
Ang biktima ginkilala kay Joven Balate, legal ang edad kag pumuluyo sang amon ga lugar samtang ang suspek naman nga asawa sang biktima ginkilala lang kay Alyas Inday.
Suno sa imbestigasyon sang Police Station 3 nga nag-away ang mag-asawa bangud sa akusasyon sang babayi nga may “chicks” ang iya bana.
Bangud sang ila mainit nga paglalisay, nagkuha sang gunting ang asawa kag ginbuno sa buli ang iya bana.
Wala labot sina nalab-ot pa kag may daplis nga igo ang iya kinatawo.
Confined karon sa Corazon Locsin Montelibano Memorial Regional Hospital ang biktima./DYHB NEWSROOM
Facebook Comments
