KABANKALAN CITY, NEGROS OCCIDENTAL – Napilasan ang isa ka lalaki matapos nga ini ang ginbuno sa sulod sang isa ka baylihan sang nagligad nga Sabado sa ciudad sang Kabankalan.
Ginkilala ang biktima nga si Jonel Obiedo, 27 anyos, residente sang Purok Naga, Brgy. Benicuil, Kabankalan City.
Suno sa pamilya sang biktima nga fiesta sa ila lugar gani nagsulod sa baylihan ang biktima agud nga magsaot-saot.
Apang nakibot na lamang sila sang hinali nga ginbuno sang wala makilala nga suspek si Jonel nga naigo naman sa iya tiyan kag padayon karon ginabulong sa Corazon Locsin Montelibano Memorial Regional Hospital./DYHB NEWSROOM
Facebook Comments
