BACOLOD CITY – Padayon pa karon nga ginabulong sa ospital ang isa ka siyam ka tuig nga bata matapos ini nadalahig sa kainit sang amay sa iya iloy sa diin ini sila ang ginmartilyo.
Nakilala ang bata kay Jude Tan nga may samad sa iya nga ulo sa diin ginpaidalom na ini sa CT Scan.
Samad man sa ulo ang naagom sang asawa nga si Jonedah, 40 anyos apang nakaguwa na ini sa ospital.
Ang suspek nga amay nakilala kay Arturo Tan, 48 anyos sang Libertad extension Barangay 40.
Sa imbetigasyon sang dyHB, las 2 sang hapon sang Oktubre 19 natabo ang insedente sa ginadayunan nila nga balay.
Pahayag sang bana nga nagpangimon siya sa iya asawa bangod duda ini nga may relasyon sila sang tag-iya sang balay nga ila ginadayunan.
Isa ka bes, hinambalan siya sang ila landlord nga ‘manami’ ang iya asawa nga amu naman ang nagtulod sa iya nga magduda.
Magluwas pa dira na notisyahan nya man ang pagpaguwapa sang iya asawa.
Sa amu nga tion, ginlock niya ang pwertahan sang ila nga kwarto, gulpi nga nagpalangdulom ang iya nga pinsar kag didto nahimo nya nga panglampusan sang martilyo ang ulo sang iya asawa kag bata.
Naghinulsol man ini sa kremin nga iya ginhimo kag nagpangayo sang kapatawaran.
